目前使用的包虫病有效治疗药物及治疗方法有哪些?དེང་སྐབས་བེད་སྤྱོད་བྱས་པའི

      དེང་སང་རྒྱལ་ཁབ་ཕྱི་ནང་དུ་ཚང་མས་ཁས་ལེན་ཞིང་གོ་ཆོད་པའི་ཐུམ་འབུའི་ནད་འགོག་པའི་སྨན་རྫས་ནི།  ཨ་པིན་ད་ཙོ་དང་།  ཀ་པོན་ད་ཙོ།  ཕི་ཁུན་ཐོན་སོགས་ཡོད།  རྒྱལ་ནང་དུ་སྨན་བཅོས་བྱེད་པའི་སྨན་རྫས་ནི་ཨ་པིན་ད་ཙོ་དང་དེ་ལས་བྱུང་ བའི་སྨན་རྫས་གསར་པས་སྨན་བཅོས་བྱ་རྒྱུ་དེ་དཔེ་བྱས་ནས་ངོ་སྤྲོད་བྱེད་པ་ཡིན།

(༡)  ཨ་པོན་ད་ཙོའི་སྨན་ལེབ།  རྒྱལ་ནང་སྨན་རྫས་ཚད་གཞི་ནི་དུས་རྒྱུན་སྨན་ལེབ་རེར་ཧའོ་ཁེ་༡༠༠འམ་༢༠༠ཡིན།  འཛམ་གླིང་འཕྲོད་བསྟེན་སྒྲིག་འཛུགས་ཀྱི་ཆེད་མཁས་ཀྱི་བསམ་གྲོས་ལྟར། གོ་ཆོད་པའི་སྨན་ཚད་ནི་ཧ་ལམ་ཉིན་རེར་ལུས་ལྗིད་སྤྱི་རྒྱ་རེར་ཧའོ་ཁེ་༡༥ནས་༢༠དང་།  ཉིན་རེར་ཐེངས་༢ནས་༣བགོ་ནས་འཐུང་བ།  ཟས་ཟ་ཚར་རྗེས་འཐུང་ན་དེ་བས་གོ་ཆོད།

(༢) ཨ་པོན་ད་ཙོའི་ནུར་ཁུ།  རྒྱལ་ནང་གི་ཚད་གཞི་ནི་ཧའོ་ཁེ་དང་ཧའོ་ཧྲེང་༡༢.༥་ཡིན།  སྨན་རྫས་ཀྱི་གསལ་བཤད་ལྟར།  གོ་ཆོད་པའི་སྨན་ཚད་ནི་ཧ་ལམ་ཉིན་རེར་ལུས་ལྗིད་སྤྱི་རྒྱལ་རེར་ཧའོ་ཧྲེང་༡་དང་།  ཉིན་རེར་ཐེངས་གཉིས་བགོ་ནས་འཐུང་ཆོག

(༣)  ཨ་པོན་ད་ཙོའི་ཚིལ་ཁུ།  དེ་ནི་ཞིང་ཅང་གསོ་རིག་ཞིབ་འཇུག་སློབ་ཆེན་གྱི་ཟུར་གཏོགས་སྨན་ཁང་དང་པོས་སྨན་ཁང་ནང་དུ་སྤྱོད་པའི་སྨན་རྫས་ཡིན།  ཚད་གཞི་ནི་ཧའོ་ཁེ་ཧའོ་ཧྲེང་༡༠།  དེའི་སྨན་རྫས་གསལ་བཤད་ལྟར།  གོ་ཆོད་པའི་སྨན་ཚད་ནི་ཧ་ལམ་ཉིན་རེར་ལུས་ལྗིད་སྤྱི་རྒྱལ་རེར་ཧའོ་ཧྲེང་༡་དང་།  ཉིན་རེར་ཐེངས་གཉིས་བགོ་ནས་འཐུང་ཆོག  སྔ་དགོང་གཉིས་ཟས་ཟ་ཚར་རྗེས་འཐུང་ན་དེ་བས་གོ་ཆོད།